लोच्या झाला, भाऊंनी श्वेताचाही अनिल थत्ते केला :
आश्चर्य आहे, जे भाऊ तोरसेकर त्या श्वेता शालिनीला कधी भेटले नाही त्यांचा कधी तिच्याशी संबंध देखील आलेला नाही त्या श्वेता शालिनीवर व्हिडीओ करून त्यांनी राज्यात देशात जगात भाजपा वर्तुळात मोठी खळबळ माजविली, भाऊंचे हे चुकले आहे त्यांनी उगाच श्वेता नेमकी कोण आणि कशी हे प्रत्यक्ष जाणून न घेता तिच्यावर दुखावलेल्यांच्या सांगण्यावरून व्हिडीओ केला, भाऊंना श्वेता नेमकी कशी हे माहित आहे असे जर श्वेताला कळले असते तर तिने भाऊंना बदनामीची नोटीस देखील पाठविण्याची नक्की हिम्मत केली नसती पण बरे झाले ज्यांनी राज्यातली भाजपा संपविण्यात महत्वाची भूमिका बजावली त्या विषयाला भाऊंनी हात घातला.अहो भाऊ, शेता तर केवळ एक हिमनगाचे टोक आहे ज्याने आधी उद्धव, राज, काँग्रेसला बेवकूफ बनवून लुटले उध्वस्त केले ते महाशय आज शिंदे आणि भाजपा मध्ये सर्वाधिक महत्वाचे कसे हेही जाणून घ्या आणि जमलेच तर या पद्धतीच्या नेत्यांतील दलालांना आधी त्या शिंदे भाजपामधून बाहेर काढा. हे झटपट घडायला हवे, विधान सभा निवडणुकीआधीच असे बदनाम बदमाश नीच हलकट स्वार्थी संधीसाधू दलाल रुपी काही महाभयानक नेते नागडे करणे अत्यावश्यक वाटते. श्वेता शालिनी व्हिडीओ भयानक होता पण भाऊ तोरसेकर येथेच चुकले ज्या भाऊंना श्वेता कोण हे माहित नसतांना त्यांनी तिच्यावर जो व्हिडीओ केला त्यापेक्षा जर भाऊंनी आधी बिहारी श्वेता शालिनी नेमकी जाणून घेतले असते माहिती करून घेतली असती तिच्याविषयी तिच्या उद्योगांविषयी तंतोतंत सखोल माहिती घेतली असती, बिहारच्या या देखण्या तरुणीला 2014 नंतर नेमके का आणि कोणकोणत्या आंबटशौकीन नेत्यांमुळे यश मिळाले आहे मिळते आहे, तिच्या झटपट श्रीमंतीमागे नेमके कोण आणि कोणत्या भानगडी हे जर माहित करून घेत व्हिडीओ केला असता तर आजचा त्यांचा खळबळजनक ठरलेला व्हिडीओ अति अधिक अतिशय महाभयानक खळबळजनक नक्की ठरला असता…
www.vikrantjoshi.com
क्षणार्धात श्वेता शालिनीचा देखील भाऊंनी पत्रकार अनिल थत्ते केला असता पण ते नेमके घडलेले नाही, भाऊंचे समर्थक किंवा भाऊंच्या खांद्यावर बंदूक ठेवणारे आता भलेही सांगत सुटलेले असतील कि लवकरच श्वेता यांची भाजपा आयटी सेल मधून हकालपट्टी केल्या जाणार आहे, भाजपा नेत्यांच्या भरवशावर पाठिंब्यावर असलेले तिचे उद्योग खालसा केले जाणार आहेत तर त्यांच्या या सांगण्याला काडीचाही अर्थ नाही कारण स्थान कसे टिकवायचे आणि भाजपा भरवशावर अनेक आर्थिक फायदे कसे उचलायचे त्यासाठी आता भाऊंनी टाकलेल्या संकटातून बाहेर पडण्यासाठी नेमकी यावेळी कोणत्या ‘ भारतीयाची ‘ कुठल्या पद्धतीने मदत घ्यायची कदाचित त्यावेळेचे तिला संकटातून बाहेर काढणारे ‘ भारतीय ‘ थेट भाजपा प्रदेशाध्यक्ष देखील असू शकतील त्यामुळे फक्त मोठी बोंबाबोंब झाली पण श्वेताचे स्थान डळमळीत झाले, तिचा देखील भाऊंनी अनिल थत्ते केला असे असे अजिबात झालेले नाही, भाऊंना हि लढाई आणखी लढावी लागणार आहे जर भाजपा श्रेष्ठींनी श्वेतास, आधी बिहारचे बघ, असे सांगितले नाही तर !! मी येथे अनिल थत्ते यांचे उदाहरण दिले कारण 1990-95 दरम्यान जरा वेगळ्या पद्धतीचा गोंधळ पत्रकारितेच्या माध्यमातून जेव्हा अनिल थत्ते यांनी अति प्रचंड प्रमाणावर घातला होता तेव्हा भाऊंनी थत्ते यांचे कारनामे याच आक्रमक पद्धतीने चव्हाटयावर आणले आणि थत्ते यांना भर चौकात जणू नागडे केले त्यानंतर मात्र थत्ते यांचे वाढवून ठेवलेले महत्व झपाट्याने कमी झाले त्यांचे गगनभेदी पाक्षिक बऱ्यापैकी धूळ खात पडले आणि राजकीय परिसरातली त्यांची पत्रकारितेतली आर्थिक दहशत संपुष्टात आली त्यानंतर आज तब्बल जवळपास 30 वर्षांनी भाऊंनी व्यक्तिगत स्तोम माजवून आर्थिक फायदे उचलणार्या त्याचवेळी राज्यातल्या भाजपाला रस्त्यावर आणण्यात जे काही महाभाग आणखी आहेत त्यातल्या या एका महिलेला भाऊंनी तिची नेमकी जागा दाखवून दिली हे बरे झाले फक्त माझे भाऊंना देखील तेच सांगणे कि श्वेता खुबीने एखाद्याच्या डोळ्यात धूळफेक करते तेथे अगदी दूरदूरपर्यंत फडणवीसांचा संबंध नाही नसतो ते उगाच बदनाम होता कामा नये. श्वेता शालिनी महाभारत येथेच संपत नाही…
अपूर्ण : पत्रकार हेमंत सुशीला श्रीराम जोशी
