डॉ.श्रीकांत एकनाथ शिंदे यांना खुले पत्र!
डॉ श्रीकांतजी शिंदेजी नमस्कार,
राज्यात गेले १५ दिवस सुरू असलेल्या राजकीय उलाढालीनंतर आपण आता निवांत असाल. त्यामुळे हे पत्र मी तुम्हाला लिहीत आहे. आपले पिताजी आता राज्याचे मुख्यमंत्री झाले आहेत. एक शिवसैनिक, कर्तबगार नेता राज्याच्या सर्वोच्च पदावर विराजमान झाले आहेत. त्यामुळे आपणही आता निश्चितच समाधानी असाल.मी हे पत्र लिहीत आहे त्यात माझा उदात्त तसा स्वार्थी हेतूही आहे. मी एक पत्रकार आणि या राज्‍याचा एक सामान्य नागरिक या नात्‍याने माझा स्वार्थी हेतू हा आहे की, माझे राज्य पुन्हा मविआच्‍या मागील अडीच वर्षांच्या कारकिर्दीत जावे,अशी माझी इच्छा नाही. मविआ सरकार हे कोणत्याही तत्त्वाने, विचारधारेने झालेले सरकार नव्हते. काॅग्रेस, राष्ट्रवादीचे एकत्र येणे मी समजू शकतो. पण त्यात शिवसेना त्यात सहभागी होणे हे मनाला पटत नाही आणि पटणारही नाही. आपल्या वडिलांचे सरकार हे एका विचारधारेने निर्माण झाले आहे. मात्र डॉक्टरसाहेब, आता तुमची एकही चूक तुमच्या विरोधकांकडून सुटणार नाही. विरोधक म्हणजे उद्धव ठाकरे गट, राष्ट्रवादी काँग्रेस आणि काँग्रेस, जे पुन्हा सरकारमध्ये येण्याच्या संधीची वाट पाहत राहणार.
मंत्रिमंडळ विस्तारापूर्वी हे पत्र लिहिण्यामागे तुम्हाला एक संदेश देण्याचाही हेतू आहे. कृपा करून स्वत:ला दुसरा मुख्यमंत्री पुत्र बनवू नका. मागील सरकारांमध्ये असे मुख्यमंत्री पुत्र होते ज्यांनी आपल्या वडिलांच्या नावाने हाहाकार माजवला होता. त्यांच्यासारखे बनू नका. कृपया तुमच्या कोणत्याही चुलत भावांशी आमची ओळख करून देऊ नका आणि तुमच्या कोणत्याही गुजराथी, मारवाडी किंवा मराठी मित्राला येथे येऊन माफिया होऊ देऊ नका. तुमची कोणाशीही मैत्री असली तरी कृपया तुमच्या वडिलांचे आणि भाजपचे नाव खराब होऊ देऊ नका. कारण तुमचे वडील भावनिक आहेत.त्यांना सर्वसामान्यांचे दुःख सहन होत नाही. त्यामुळे ते त्वरीत निर्णय घेतात. मात्र त्यामुळे कंत्राटदार, नातेवाईक, दलालांचे फावू शकते. कोणत्याही ‘हरामखोर’ कंत्राटदार, नातेवाईक, दलाल त्यांनी आपल्या वडिलांची दिशाभूल करून त्यांना अडचणीत टाकणे खूप सोपे किंवा सोयीचे आहे. दुसरे म्हणजे, तुमच्या वडिलांकडे असलेला स्टाफ! अत्यंत सावध आणि सतर्क राहा कारण आपण सर्वांनी अनेक कथा ऐकल्या आहेत. ठाण्यातील काही माजी (भिडे, मोरे, राणे इ….)पत्रकारकम एजंट्सनी त्यांचे ‘ऑपरेशन’ आधीच सुरू केले आहे.
उद्धव ठाकरेंप्रमाणे एकाच आयएएस किंवा आयपीएसवर अवलंबून राहू नका. प्रत्येकाशी गुणवत्तेनुसार वागावे. तुमच्या वडिलांना तो ‘आशर’ किंवा इतर कोणाच्याही शिफारशींऐवजी गुणवत्तेच्या आधारावर पोस्टिंग करण्याचा सल्ला द्या. पुढची महत्त्वाची गोष्ट आणि ती नेहमीच लक्षात ठेवाल, मंत्रालय हे एक वेगळे रसायन आहे, इथले ‘त्यांचे’ अधिकारी आपल्या वडिलांना अडचणीत आणण्याच्या हेतून आम्हा पत्रकारांना रेकॉर्डिंग, फाईल क्लिपिंग्ज, फोटो, व्हिडीओ वगैरे पाठवायला तयार असतात.
उद्धवाविरुद्ध बंड करून तुमच्या वडिलांकडे आलेली लोक आदरास पात्र आहेत; पण त्याच वेळी गेल्या ३ दिवसात मी आपल्या वडिलांना कायम लोकांच्या गराड्यात पाहिले आहे. सर्व-सामान्य ठीक आहे पण त्या ५० आमदारांपैकी तीन ते चार जण सतत त्यांच्या सोबतच असतात. त्यामुळे अधिकारी किंवा सचिवांना फाइल किंवा प्रस्तावावर मुख्यमंत्र्यांशी चर्चा करताना कठीण जाईल. पण मुख्यमंत्री कायम लोकांच्या गराड्यात असल्यामुळे त्यांना ते जमत नाही. त्यामुळे वडिलांनी दिवसातून एक वेळ निवडली पाहिजे, आणि त्या वेळेत मग तुम्ही सुद्धा तेथे राहता काम नये, आपल्या वडिलांची सही असलेली फाईल घेताना सेक्रेटरी अनेक ‘गुप्त संदेश’ देत असतात, आणि त्यावर त्या नस्तीचे भवितव्य ठरत असतं.
माजी मुख्यमंत्री उद्धव ठाकरे कधीच प्रेस ला भेटलेच नाही. तुमच्या वडिलांचा प्लस पॉइंट म्हणजे त्यांचा जनसंपर्क मोठा आहे. त्यांचे प्रेसशीही चांगले संबंध आहेत. पण काही पत्रकार आणि संपादक आहेत जे आपली कामे करून घेण्यासाठी आपल्या वडिलांना काहीही सांगू शकतात. उगाच आरडाओरडा करून स्वतःचे महत्व कसे वाढवून कामे करवून घायची ह्यात हे काही संपादक/रिपोर्टर हुशार आहेत. अशा लोकांपासून सावध राहा आणि बाबांना आणि तुमच्या मंत्रालयातील कर्मचार्‍यांना अशा लोकांपासून सावध राहण्यास सांगा. आव्हाड, परब यांच्यासारख्यांना आपल्या सल्ल्याने अडचणीत आणणारे हेच लोक आहेत. इतर माध्यमांच्या पत्रकारांचा आदर करणे आणि त्यांच्याशी आवश्यकतेनुसार संवाद साधणे हेच फायदेशीर ठरेल.
पक्ष चालवण्यासाठी निधीची गरज असते.त्यासाठी थोडं इकडचं तिकडचं होऊ शकते. पण कोणाच्या नजरेत येईल असे वागू नका. एक विनंती करतो, तुमच्या पीए,पीएस,ओएसडींना सांगा की, आयएएस, आयपीएस आणि इतर मंत्रालयाच्या कर्मचार्‍यांना आपल्या घरातील कामगारांसारखे वागवू नका. बाकी मला वाटते बहुतेक विषय मी स्पष्ट केले आहेत. तुम्ही खासदार आहात, तुम्ही बहुतांश काळ दिल्लीत असाल; फक्त तुम्हाला अपडेट करण्यासाठी, दिल्ली तुमच्या वडिलांची कामगिरीकडे लक्ष ठेऊन आहे. जर त्यांनी तुमच्या वडिलांवर जबाबदारी सोपवली असेल तर ते त्याचेही मूल्यमापन करतील याची खात्री बाळगा. पवार, उद्धव ठाकरे तुमच्या विरोधात असले तरी निराश होऊ नका, कारण तुमच्यासोबत सर्वोत्तम खेळाडू-देवेंद्र फडणवीस आहेत.
माझ्या या पत्रातले सर्व सल्ले हे आपल्या वडिलांसाठी आहेत मग मला पत्र का?, असे आपल्याला वाटणे हे योग्यच आहे डाॅक्टरसाहेब, पण माझ्यावर विश्वास ठेवा तुम्हाला काही दिवसात समजेल. राजकारणात अनेक वडिलांना खुर्ची सोडावी लागली आहे कारण त्यांचे पुत्र अनियंत्रित होते!!!
कळावे,
विक्रांत हेमंत जोशी.
