हि विकेट हवी : पत्रकार हेमंत जोशी 

उद्धवजी, एक स्त्रीलंपट नेता आणि भ्रष्ट मंत्री म्हणून त्या संजय राठोड यांचे तुम्हाला एवढे पुरावे देऊनही समाधान होत नसेल तर तसे सांगा, माझ्याकडे आणखी कितीतरी त्यावर पुरावे आहेत. अत्यंत महत्वाचे म्हणजे गेली दोन ते तीन वर्षे संजय राठोड जे दोन वेगवेगळे भ्रमणध्वनी वापरत होते त्या व पूजा चव्हाण यांच्या भ्रमणध्वनींचे केवळ लोकेशन जरी पोलिसांनी शोधले तरी त्यातून अनेक धक्कादायक पुरावे बाहेर पडतील हे मी अतिशय खात्रीने सांगू शकतो विशेष म्हणजे संजय राठोड यांच्या खाजगी सचिवांना त्यांच्या सहा वेगवेगळ्या स्वीय सहाय्य्यकांना पोलिसांनी विश्वासात घेऊन पूजा चव्हाण प्रकारणात माहिती घ्यावी पोलिसांच्या हे लक्षात येईल कि राठोड यांना त्यांचा स्टाफ कितींदा तरी हेच निक्षून सांगत असे कि पूजाला शासकीय किंवा खासगी दौऱ्यावर आपल्या कार मध्ये बसवून घेऊ नये तिची स्वतःसंगे वरात काढू नये पण पूजाच्या प्रेमात त्यावेळी आकंठ बुडालेल्या संजय राठोड यांना पूजाविषयी छेडल्यास पटकन राग येत असे अशी माझी पक्की माहिती आहे विशेष म्हणजे संजय राठोड यांची प्रेम प्रकरणे त्यावर अनेकदा त्यांचे आपल्या पत्नीशी खटके उडायचे अर्थात शोध घेणाऱ्या पोलिसांनाच सत्य शोधायचे नसल्याने सारे काही दडपण्याचा थेट पोलिसांकडून देखील सतत प्रयत्न सुरु आहे, देव करो आणि राठोड यांना सहकार्य करणाऱ्या पोलिसांच्या मुलींच्या बाबतीत कधी असे न घडो. आज पूजा चव्हाण हिने आत्महत्या केल्या दिवसापासून ज्या अरुण राठोड व विलास चव्हाण या दोघांना दस्तुरखुद्द संजय राठोड यांनी पूजा सोबत ठेवले होते ते दोघेही एकाचवेळी गायब आहेत आणि त्या दोघांचेही प्रेत जर पुढल्या काही दिवसात तुम्हाला कुठे आढळले तर त्यात अजिबात अस्वस्थ होण्याचे कारण नाही कारण त्या दोघांबाबत म्हणे वाटचाल त्याचदृष्टीने सुरु आहे, केव्हाही त्या दोघांनी पण पूजा पद्धतीने आत्महत्या केली अशी त्यांचा खून होऊन पद्धतीची बातमी आपल्या सर्वांच्या कानावर पडू शकते, वनमंत्र्याने या राज्यात खऱ्या अर्थाने जंगल राज सुरु केले आहे असे उद्धव यांच्या यावेळी देखील घेतलेल्या मवाळ भूमिकेवरून दिसते आहे…

वाचकांनो, आधी तुम्ही एक अत्यंत महत्वाचे काम करा म्हणजे हा लेख वाचत असतांना आत्ताच्या आत्ता जागेवर उभे राहा आणि शरद पवार यांना कौतुकाने अभिमानाने नजरेसमोर आणून त्यांना मानवंदना म्हणून गच्चीत उभे राहून सतत पाच मिनिटे टाळ्या वाजवा कारण शरद पवार यांनी संजय राठोड यांच्यामुळे पूजाने केलेल्या आत्महत्या प्रकरणी ज्यापद्धतीने अगदी जाहीर उद्धव ठाकरे यांना खडसावले आहे त्यासाठी त्यांच्यासाठी आपल्याला ह्या टाळ्या वाजवायच्या आहेत आणि हो, शरद पवार हे असेच प्रसंगी वागायला आणि बोलायला कठोर व कर्तव्यदक्ष आहेत, आधी त्यांनी तशी करणी केलेली आहे करून दाखवलेली आहे म्हणजे पवार यांनी छगन भुजबळ, आर आर पाटील आणि अजित पवारांचे या तिघांकडून काही गंभीर चुका घडल्यानंतर असेच तडकाफडकी मंत्रिपदाचे राजीनामे घेतले आहेत आणि निर्दोषत्व सिद्ध त्यांनी केल्यानंतर याच शरद पवार यांनी त्या तिघांनाही पुन्हा मंत्रिपद बहाल केल्याचे इतिहास ताजा आहे विशेष म्हणजे शरद पवार यांनी आर आर आबांना तर पुन्हा गृह खाते देऊन मी कसा तुमच्या पाठीशी उभा आहे सिद्ध करून पवार त्या दरम्यान कौतुकास पात्र ठरले आहेत, त्यांनी स्वतः आधी तसे केले म्हणून काल पर्वा पवारांनी अधिकारवाणीने उद्धव यांना खडसावले तरीही उद्धव ठाकरे जर संजय राठोड यांची विकेट काढायला तयार होत नसतील तर पूजा प्रकरण कदाचित कायदयाच्या कचाट्यातून अलगद बाहेर पडेल पण लोकांच्या मनावर ज्या फार मोठ्या जखमा उद्धवजी या क्षणी झालेल्या आहेत त्या तुम्हाला भरून काढणे पुढे कधीही शक्य होणार नाही तुमची यावेळची हि चूक तुम्हाला नक्की भोवणार आहे. अजूनही वेळ गेलेली नाही त्या नालायक मंत्र्याला राजीनामा मागा आणि पूजा चव्हाण किंवा इतर गंभीर प्रकरणी संजय राठोड यांना वठणीवर आणा. तुम्ही हे करा, उद्या एखादा उमदा धाडसी नेता त्या बंजारा समाजात तुमच्यासाठी तयार होईल आणि आमच्या विदर्भाचे नेतृत्व करेल. उद्धवजी तुम्ही हि विकेट घ्यायलाच हवी…